ހދ. ހަނިމާދޫގައި އަލަށް އިމާރާތްކުރަމުންދާ މިސްކިތުގެ ނުނިމިހުރި މަސައްކަތްތައް ކުރިއަށް ގެންދިއުމަށް އިސްލާމިކް މިނިސްޓްރީން އެމްޓީސީސީއާ ހަވާލުކޮށްފިއެވެ. މިކަމާގުޅޭ އެއްބަސްވުމުގައި އިއްޔެ ދެފަރާތުން ސޮއިކޮށްފައި ވެއެވެ.
ހަނިމާދޫގައި އިމާރާތްކުރަމުންދާ 500 މީހުންގެ ޖާގައިގެ މިސްކިތުގެ މަސައްކަތް ކުރިން ހަވާލުކޮށްފައިވާ ކުންފުނިން މަސައްކަތް އެކަށީގެންވާ ގޮތެއްގައި ކުރިއަށް ގެންގޮސްފައިނުވާތީ، އެ ކުންފުންޏާއެކު ވެފައިވާ އެއްބަސްވުން ބާޠިލުކުރުމަށްފަހު، އެމްޓީސީސީއާ މަސައްކަތް ހަވާލުކޮށްފައިވަނީ 365 ދުވަހުގެ ތެރޭގައި ނިންމުމަށެވެ.
މިއަދު ބޭއްވުނު ސޮއިކުރުމުގެ ރަސްމިއްޔާތުގައި އިސްލާމިކް މިނިސްޓްރީގެ ފަރާތުން ސޮއިކުރެއްވީ ވަޒީރުގެ ނާއިބު އިބްރާހިމް އާސިމްއެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ އަޙްމަދު ސަޢުދީއެވެ.
މިނިސްޓްރީގެ ފަރާތުން މަޢުލޫމާތު ދެއްވާފައިވާ ގޮތުގައި މި މިސްކިތް ނިމުމުން ރަށުގެ ރައްޔިތުންނަށް ލިބޭނެ އުފަލަކީ ވަރަށް ބޮޑެވެ. މި މިސްކިތަކީ ރަށުގެ އާބާދީއަށް ރިޢާޔަތްކޮށް އެކަށީގެންވާ ވަސީލަތްތަކާއެކު އިމާރާތްކުރެވޭ މިސްކިތެކެވެ.
ކޮމެންޓު ފޮނުވާ