ޕީޕަލްސް ނޭޝަނަލް ކޮންގްރެސް އާއި ހާހަކަށްވުރެ ގިނަ މީހުން ގުޅިއްޖެއެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިސްބަތްވެ ވަޑައިގަންނަވާ ޕީއެންސީއާއި އަލަށް ގުޅުނު މީހުންގެ ފޯމުތަކާއި ހަވާލުވީ ޕީއެންސީގެ ޗެއާޕާސަން އަދި ރައީސް އޮފީހުގެ ސީނިއަރ މިނިސްޓަރ އަބްދުއްރަހީމެވެ. ވެރިކަން ކުރާ ޕީއެންސީއަށް ވަކި އޮފީހެއް ގާއިމުކޮށް ޕާޓީ ދަފުތަރަށް 10،000 މެންބަރުން ހަމަ ކުރުމުގެ މަސައްކަތް އެޕާޓީން ވަނީ ފަށާފައެވެ.
އިލެކްޝަންސް ކޮމިޝަނުން ބަލަހައްޓާ ޕާޓީތަކުގެ ދަފުތަރުގައި އޮތް ގޮތުން، މިދިޔަ ފެބްރުއަރީ 21 އާ ހަމައަށް ޕީއެންސީގައި މެންބަރުންގެ ގޮތުގައި ތިބީ 3،159 މެންބަރުންނެވެ.
ޕީއެންސީއާއި އަލަށްގުޅުނު މީހުންގެ ފޯމުތައް ހަވާލުކުރުމަށް ބޭއްވި ރަސްމިއްޔާތުގައި އެކި ދާއިރާތަކުން ޕީއެންސީއާއި ގުޅުނު ގިނަ އަދަދެއްގެ މީހުންގެ ފޯމުތައް ވަނީ އެޕާޓީއާއި ހަވާލުކޮށްފައެވެ. އިއްޔެގެ ރަސްމިއްޔާތުގައި 1،000 އަށްވުގެ ގިނަ ފޯމު ވަނީ ޕީއެންސީއާއި ހަވާލުކޮށްފައެވެ.
ރައީސް މުއިއްޒަށް އިންތިޚާބު ކާމިޔާބުވުމަށްފަހު ގިނަ އަދަދެއްގެ ޢާންމު ރައްޔިތުން ދަނީ ޕީއެންސީއާއި ގުޅެމުންނެވެ.
