މިއަހަރުގެ ރަމަޟާންމަހުގެ ފުރަތަމަ ދުވަހަކީ ބުރާސްފަތި ދުވަސްކަމަށް ކަނޑައަޅައިފިއެވެ.
1444ވަނަ އަހަރުގެ ރަމަޟާންމަހުގެ ހަނދާ ގުޅޭގޮތުން އިސްލާމިކް މިނިސްޓްރީން މިރޭ ޢާންމުކުރި ޤަރާރުގައި ވަނީ ހިޖުރީ ސަނަތުން 1444ވަނަ އަހަރުގެ ޗަޢުބާން މަހުގެ 29، (މީޅާދީ ސަނަތުން 2023ވަނަ އަހަރުގެ މާޗް މަހުގެ 21) ވީ އަންގާރަ ދުވަހުގެ އަންގާރަދުވަހުގެ އިރު އޮއްސޭއިރު، ދިވެހިރާއްޖޭގެ އެއްވެސް ހިސާބަކަށްވެސް އަދި އިސްލާމީ ގިނަ ޤައުމުތަކަށްވެސް 1444ވަނަ އަހަރުގެ ރަމަޟާން މަހުގެ ހަނދު ފެންމަތިވެފައި ނުހުންނާނޭ ކަމަށް، އިތުބާރުހުރި ފަލަކީ ހިސާބުން ކަށަވަރުވެފައިވާކަމަށެވެ.
އަދި މީގެ އިތުރުން ދުނިޔޭގެ އެއްވެސް އިސްލާމީ ޤައުމަކަށް މިއަހަރުގެ ރަމަޟާން މަހުގެ ހަނދު ސާބިތުވެފައިވާކަމުގެ ރަސްމީ މަޢުލޫމާތެއް ލިބިފައި ނުވާކަމަށެވެ.
އެހެންކަމުން ރަމަޟާން މަހާއި ޝައްވާލުމަހުގެ ހަނދު ސާބިތުކުރުމުގައި ރާއްޖެއިން ޢަމަލުކުރާ އުސޫލުގެ ދަށުން މާދަމާއަކީ ޝައުބާންމަހުގެ 30ވަނަ ދުވަސްކަމަށާ، ބުރާސްފަތި ދުވަހަކީ ރަމަޟާންމަހުގެ ފުރަތަމަ ދުވަސްކަމަށެވެ.
