ހދ.ހިރިމަރަދޫ ގޮނޑުދޮށުގައި މީހަކު މަރުވެފައި އޮއްވާ ފެނިއްޖެއެވެ.
ފުލުހުން ބުނީ ހިރިމަރަދޫގައި މީހަކު މަރުވެފައި އޮއްވާ ފެނިފައިވާކަމުގެ މަޢުލޫމާތު އިއްޔެ 13:30 ހާއިރު ފުލުހުންނަށް ލިބިފައިވާކަމަށެވެ.
މަރުވެފައި އޮއްވާ ފެނިފައިވަނީ 71 އަހަރުގެ އަންހެނެއްކަމަށް ފުލުހުން ބުންޏެވެ. އެމީހާ ފެނިފައިވަނީ ހިރިމަރަދޫ އަތިރިމަތިން ރާޅުޖަހާ ހިސާބު މޫދުގައި އޮއްވާކަމަށް ފުލުހުން ބުންޏެވެ.
މިހާތަނަށް ބެލިބެލުމުން ހަށިގަނޑުގައި އެއްވެސް ޒަޚަމެއް ފެންނަން ނެތްކަމަށާއި، މިކަމާ ގުޅިގެން ބަލަން ޖެހޭ ކަންކަން ފުލުހުން ބަލަމުން އަންނަކަމަށްވެސް ފުލުހުން ބުންޏެވެ.
