ތ.ވޭމަންޑޫ އިންޖީނުގޭގައި ހިނގި އަލިފާނުގެ ހާދިސާއާއި ގުޅިގެން މުޅި ރަށުން ކަރަންޓު ކެޑި ދިމާވި މައްސަލަ ހައްލުކޮށް ވޭމަންޑުއަށް ކަރަންޓް ދީފިއެވެ.
ވޭމަންޑުއަށް ކަރަންޓް ދީފައި ވަނީ ރޭ 23:40 ކަންހާއިރުއެވެ. ވޭމަންޑުއަށް ކަރަންޓް ދީފައި ވަނީ ބުދަ ދުވަހު މެންދުރު ފަހުން ފެށިގެން އެރަށަށް ކަރަންޓް ފޯރުކޮށްދިނުމަށް ފެނަކަ ކޯޕަރޭޝަންގެ މުވައްޒަފުން މެދުކެނޑުމެއްނެތި މަސައްކަތް ކޮށްގެންނެވެ. މިމައްސައްކަތުގައި އެކުންފުނީގެ މެނޭޖިން ޑިރެކްޓަރ އަހުމަދު ސައީދު ވެސް އަމަލީ ގޮތުން ބައިވެރިވެ ވަޑައިގެންނެވިއެވެ.
Th. Veymandoo ah dhimaavi karantuge massala hallukoh 23.40 gai rashah karantuge khidhumaiy foarukoh dhevihjje. Al- hamdhu Lillahi!
Rayyithun ge faraathun libunu ehbbarulumaah shukuru adhaa kuran. Adhi rayyithun dhekkevi keiytheri kamuge namoona akee laamaseel misaaleh. (1/2) pic.twitter.com/w5qVdHZkSW
— Fenaka Corporation Ltd (@TeamFenaka) February 25, 2021
ވޭމަންޑޫއަށް ކަރަންޓު ދިނުމަށްޓަކައި އިންޖީނެއް އެރަށަށް ގެންގޮސްފައިވަނީ ބުރާސްފަތި ދުވަހުއެވެ. އެއީ އެއަތޮޅު ގުރައިދޫން ގެންދިޔަ 360ކިލޯ ވޮޓްގެ ޖަނަރޭޓަރަކާއި، އެއަތޮޅު ދިޔަމިގިލީން އެރަށަށް ގެންދިޔަ 250 ކިލޯ ވޮޓްގެ ޖަނެރޭޓަރެކެވެ. ފެނަކައިން ވިދާޅުވީ ވޭމަންޑުއަށް ގެންދިޔަ ޖަނަރޭޓަރު ރަށުގެ ކަރަންޓު ވިއުގައާ ގުޅާލާ، ބުރާސްފަތިދުވަހުގެރޭ 11:40ގައި ރަށަށް އަލުން ކަރަންޓުގެ ޚިދުމަތް ދޭން ފަށާފައިވާކަމަށެވެ. ފެނަކައިންވަނީ މި މަސައްކަތުގައި ރައްޔިތުން ދިން އެއްބާރުލުމާ، ދެއްކި ކެތްތެރިކަމަށް ޝުކުރު އަދާކޮށްފައެވެ.
ފެނަކަ އިން ބުނީ 33 ގަޑިއިރުގެ ތެރޭގައި ވޭމަންޑުއަށް ކަރަންޓް ދެވުނީ މުރާލި މުވައްޒަފުން ކުރި ނަމޫނާ މަސައްކަތުން ކަމަށެވެ.
ކޮމެންޓު ފޮނުވާ