މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ތަފާސްހިސާބުތަކުން ދައްކާ ގޮތުގައި، ނިމިދިޔަ އަހަރު ބިދޭސީންގެ ކޯޓާ އާއި ވޯކް ޕާމިޓް ފީގެ ގޮތުގައި ދައުލަތަށް 1.2 ބިލިއަން ރުފިޔާގެ އާމްދަނީއެއް ވަނީ ލިބިފައެވެ. މިއީ އޭގެ ކުރީ އަހަރާ އަޅާބަލާއިރު 11 އިންސައްތައިގެ އިތުރުވުމެކެވެ. ތަފްސީލަށް ބަލާއިރު ވޯކް ޕާމިޓް ފީން 783 މިލިއަން ރުފިޔާ ލިބުނުއިރު، ކޯޓާ ފީގެ ގޮތުގައި 445 މިލިއަން ރުފިޔާ ދައުލަތަށް ވަދެފައިވެއެވެ.
މިދިޔަ އަހަރު މީރާއަށް ޖުމްލަ 32.7 ބިލިއަން ރުފިޔާ ލިބުނުއިރު، އޭގެ ތެރެއިން ޓެކްސް ނޫން އާމްދަނީގެ ގޮތުގައި ލިބުނު 6.9 ބިލިއަން ރުފިޔާގެ 17 އިންސައްތަ ހިއްސާކުރަނީ ބިދޭސީންގެ މި ފީތަކެވެ. ޓެކްސް ނޫން އާމްދަނީން އެންމެ ބޮޑު އެއްޗެއް ލިބިފައިވަނީ ރިސޯޓު ކުލިން ކަމަށްވާއިރު، އެއީ 2 ބިލިއަން ރުފިޔާއެވެ.
ކޮމެންޓު ފޮނުވާ