ޣައްޒާގެ އުތުރު ސަރަހައްދުގައި ދިރިއުޅޭ ފަލަސްތީނު ރައްޔިތުން އެމީހުންގެ ގެތަކަށް އެނބުރި ދިއުމަށް މަސައްކަތްކުރަމުންދަނިކޮށް، އިސްރާއީލު ސިފައިން އެމީހުންނަށް ހަމަލާދީ، މަދުވެގެން އެކަކު ޝަހީދު ކޮށްލައިފިއެވެ. މިހަމާތައް ދިނުމަށްފަހު އިސްރާއީލިގެ ބޮޑުވަޒީރު ނަތަންޔާހޫ ވިދާޅުވެފައިވަނީ މިހަމަލާ ދީފައިފަހީ ހަމާސްއިން ދޫކުރަންޖެހޭ އަސީރަކު ދޫކުރުން ލަސްކުރުމުގެ ސަބަބުން ކަމުގައެވެ.
އިސްރާއީލުގެ ބޮޑުވަޒީރު ބެންޖަމިން ނެތަންޔާހޫ ވިދާޅުވި ގޮތުގައި، ހަމާސްއިން އަންހެން ރަހީނެއް ދޫކޮށްލުން ލަސްކުރަމުންދާތީ، އުތުރު ޣައްޒާއަށް ފަލަސްތީނުން އެނބުރި ދިއުން އިސްރާއީލުން ހުއްޓުވާފައިވާ ކަމުގައެވެ. މި ޚިލާފު އުފެދުނީ ދެފަރާތުގެ ދެމެދުގައި ވެފައިވާ ސުލްހައިގެ އެއްބަސްވުން ދެވަނަ ހަފްތާއަށް ދިގުދެމިގެން ގޮސް، ހޮނިހިރު ދުވަހު އިސްރާއީލުގެ ހަތަރު ސިފައިންނާއި، ފަލަސްތީނުގެ 200 އަސީރަކު ދޫކޮށްލާފައި ވަނިކޮށެވެ.
ހިފާފައިވާ ވެސްޓް ބޭންކުގައި، އިސްރާއީލު ސިފައިން ޖެނިން ސިޓީއާއި އޭގެ ވަށައިގެންވާ ސަރަހައްދުތަކުގައި ހިންގަމުންދާ ބޮޑު އަސްކަރީ އޮޕަރޭޝަނެއްގައި، ދެ އަހަރުގެ އަންހެން ކުއްޖަކާއެކު މަދުވެގެން ދެ މީހަކު މަރާލާފައިވެއެވެ.
އޮކްޓޯބަރ 7، 2023 އިން ފެށިގެން އިސްރާއީލުން ޣައްޒާއަށް ދެމުންދާ ހަނގުރާމައިގެ ސަބަބުން މަދުވެގެން 47،283 ފަލަސްތީނުން މަރުވެ، 111،472 މީހުން ޒަޚަމްވެފައިވެއެވެ. އެދުވަހު ހަމާސްއިން އިސްވެ ހިންގި ހަމަލާތަކުގައި އިސްރާއީލުގެ މަދުވެގެން 1،139 މީހުން މަރުވެ، 200 އަށްވުރެ ގިނަ މީހުން ރަހީނުންގެ ގޮތުގައި ހިފެހެއްޓިއެވެ.
