ނޭޝަނަލް ސެންޓާ ފޯ އިންފޮމޭޝަން ޓެކްނޮލޮޖީ (އެންސީއައިޓީ) ގެ "އެކްސް" އެކައުންޓް ރޭ ހެކްކޮށްފިއެވެ.
އެންސީއައިޓީއަކީ ހޯމްލޭންޑް ޓެކްނޮލޮޖީ މިނިސްޓްރީގެ ދަށުން ހިންގަމުން އަންނަ އިދާރާއެކެވެ. އެލްބީސީޓީގެ ނަމަށް އެކައުންޓް ބަދަލުކޮށްފައިވާއިރު، އެއީ ބިޓްކޮއިންޓަށް ހާއްސަ އެކައުންޓެއް ކަަމަށް ބުނެފައިވެއެވެ.
އެ އެކައުންޓުގައި އެންމެ ފަހުން ޕޯސްޓުކޮށްފައި ވަނީ މައިކްރޮސޮފްޓް 365 އެޑްމިނިސްޓްރޭޓަރުންނަށް ބޭއްވި ފަސް ދުވަހުގެ ތަމްރީން ޕްރޮގްރާމެއް ކާމިޔާބުކަމާއެކު ނިންމާލި ހަބަރެވެ. ނަމަވެސް، އެ އެކައުންޓުގެ އެކްސެސް ފަހުން ގެއްލިފައިވެއެވެ.
ހޯމްލޭންޑް މިނިސްޓްރީން ބުނީ އެކައުންޓް ރިކަވާ ކުރުމުގެ މަސައްކަތް ކުރަމުންދާ ކަމަށެވެ.
