އިސްލާމްދީނަށް ތަބަޢަވެގެން މެނުވީ ނަޖާވާނެ މަގެއް އެއްވެސް މުކައްލަފަކަށް ނެތްކަމަށާއި، އިސްލާމް ދީނަށް އީމާން ވެއްޖެ މީހާއަށް ތެދުމަގު ލިބި ކާމިޔާބު ވެއްޖެކަމުގައި މިއަދުގެ ހުކުރު ޚުޠުބާގައި ވިދާޅުވެއްޖެއެވެ. އަދި މިއަދުގެ ހުކުރު ޚުޠުބާގައި ވިދާޅުވީ ދީނަށް ޚިދުމަތް ކުރުމަކީ ވާޖިބެއް ކަމުގައެވެ.
"ދީނަށްޓަކާ ޚިދުމަތް ކުރުން" މިމައުޟޫއަށް ޚާއްސަ ކުރެވުނު މިއަދުގެ ހުކުރު ޚުޠުބާގައި ވިދާޅުވީ އިސްލާމްދީން ދޫކޮށް، އެހެން ދީނެއް ހިފައިފި މީހާގެ ކިބައިން ފަރުޟެއް، ސުންނަތެއް އަދި އެއްވެސް އަމަލެއް ގަބޫލު ނުކުރައްވާނެ ކަމުގައެވެ.
މުސްލިމް އަޚުންނޭވެ! މި ދީނަކީ އުންމަތުގެ ފަޚުރެވެ. މި ދީނުގެ ޝަރީއަތުން ޢިއްޒަތް ލިބި، މުސްލިމުންގެ ސަފުތައް ބަދަހިވެ، ހިތްތައް އެކުވެރިވިއެވެ. މުޅި އިންސާނިއްޔަތު ހަލާކުން މިންޖުކޮށްދީ، ޝަރަފްވެރިކަމުގެ އެންމެ އުހަށް ފޯރުކޮށްދީނީ މި ދީނެވެ. މި ދީނަލީ ސައްޙަ ސާފު އަޤީދާއެކެވެ. ފުރިހަމަ އީމާންކަމެވެ. ޙުކުމްތައް ބަޔާން ކޮށްދިނީ މި ދީނެވެ. ޢަދުލުވެރިކަމާއި، ހަމަހަމަކަން ގެނެސްދީ، އާންމުންނާއި ޚާއްސުންގެ ހައްގުތަކަށް އިޙުތިރާމްކުރާން ދަސްކޮށްދިނީ މި ދީނެވެ.
މިއަދުގެ ހުކުރު ޚުޠުބާގައި ވިދާޅުވެފައި ވެއެވެ.
ޚުޠުބާގައި އިތުރަށް ވިދާޅުވީ އިސްލާމްދީން އިއްޔެ ބިނާކުރި އުންމަތަކީ އޭގެ ކުރީން ނިކަމެތި ބަލިކަށި ބައެއް ކަމަށާއި، އެހެންނަމަވެސް ﷲގެ ފަޟުލުވަންވެރިކަމުން އެ އުންމަތް ވީ އެންމެ މާތް އުންމަތް ކަމުގައެވެ. އަދި އެ ދީން ވެގެން ދިޔައީ މަގު ގެއްލިފައިވާ މީހުންނަށް ހުރި މަގުބައްތިއަކަށް ކަމަށްވެސް ޚުޠުބާގައި ބަޔާން ކޮށްފައި ވެއެވެ.
އަދި ﷲއަށް ކިޔަމަންގަތުމުގައި މުސްލިމުންގެ ކިބައިގައި ހުރި ފަރުވާކުޑަކަމާއި، ކުރެވޭ ކުށްތަކަކީ ދީނަށް ޚިދުމަތްކުރުމަށް ހުރި އުޒުރެއް ނޫންކަމަށްވެސް ޚުޠުބާގައި ވިދާޅުވެފައި ވެއެވެ. އަދި ދީނަށް ޚިދުމަތް ކުރުމަކީ ވާޖިބެއްކަމުގައިވެސް ޚުޠުބާގައި ވިދާޅުވެފައި ވެއެވެ.
