އިއްޔެ ހެނދުނު މާލޭގައި ކުރިއަށް ގެންދެވުނު ރެއިޑް އޮޕަރޭޝަނެއްގައި ގަވާއިދާ ޚިލާފަށް އުޅޭ 22 ބިދޭސީން އިމިގްރޭޝަންގެ ބެލުމުގެ ދަށަށް ގެނެސްފިއެވެ. މި އޮޕަރޭޝަން ކުރިއަށް ގެންދެވިފައިވަނީ "އިމިގްރޭޝަން ވޮޗް" އަށް ލިބުނު މަޢުލޫމާތަކާ ގުޅިގެންނެވެ.
އޮޕަރޭޝަންގެ ތެރޭގައި، ގ. ހީނާމާގެ ޕާކިން ސަރަހައްދުން ބަލައި ފާސްކުރެވުނު ބިދޭސީންގެ ތެރެއިން، ރާއްޖޭގައި މަސައްކަތްކުރުމުގެ ހުއްދަ ނެތް 14 ބިދޭސީން ވަނީ އިމިގްރޭޝަންގެ ބެލުމުގެ ދަށަށް ގެނެވިފައިވާކަމަށް އިމިގްރޭޝަންއިން ބުނެފައި ވެއެވެ.
މީގެއިތުރުން، މާލޭ ސިޓީ ކައުންސިލުން ހިއްސާކުރި މަޢުލޫމާތަކާ ގުޅިގެން، މާފަންނު ސަރަހައްދުގައި ހުރި ބިދޭސީން ދިރިއުޅޭ އެކަމަޑޭޝަން ބްލޮކެއް ބަލައި ފާސްކުރެވުނުއިރު، އެ ތަނުން ގަވާއިދާ ޚިލާފަށް އުޅެމުންދިޔަ އިތުރު 8 ބިދޭސީން އިމިގްރޭޝަންގެ ބެލުމުގެ ދަށަށް ގެނެވިފައިވާކަމަށްވެސް އިމިގްރޭޝަންއިން ބުނެފައި ވެއެވެ.
މިފަދަ އޮޕަރޭޝަންތައް ކުރިއަށް ގެންދެވެނީ ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ޙައްލުކުރުމަށް ކުރެވޭ މަސައްކަތުގެ ބައެއްގެ ގޮތުންނެވެ. އިމިގްރޭޝަންއިން، ގަވާއިދާ ޚިލާފަށް އުޅޭ ބިދޭސީންނާމެދު ޤާނޫނީ ފިޔަވަޅު އަޅަމުން ދާނެ ކަމުގައެވެ. އަދި ރެއިޑް ތަކުގައި ހައްޔަރުކުރާ ބިދޭސީން އިމިގްރޭޝަންއިން ދަނީ ޑީޕޯޓުވެސް ކުރަމުންނެވެ.
