އައްޑޫގެ އެކި ސަރަަހަރައްދުތަކަށް ދިމާވެފައިވާ ކަރަންޓުގެ މައްސަލަ ހައްލުނުވެ، އެކި ގަޑިތަކުގައި ކަރަންޓު ކަނޑަމުން ގެންދާތީ އިނދިކޮޅު އެމްޑީޕީން މަޖިލީހަށް މިއަދު ކުއްލި މައްސަލައެއް ހުށަހަަޅައިފި އެވެ.
މިމައްސަލަ ރައްޔިތުންގެ މަޖިލީހަށް ހުށަހެޅުއްވީ ހިތަދޫ ދެކު ދާއިރާގެ މެންބަރު އިބްރާހީމް ނާޒިލުއެވެ. އޭނާ ހުށަހެޅުއްވި ކުއްލި މައްސަލާގައި ވިދާޅުވެފައިވަނީ އައްޑޫގެ ރައްޔިތުންނަށް އެންމެ އަސާސީ މިންވަރަށް ވެސް ކަރަންޓުގެ ހިދުމަތް ލިބެމުން ނުދާ ކަމަށާއި، އެއީ ސަރުކާރުން އައްޑުއަށް ވާ އިހުމާލެއް ކަމުގައެވެ.
އައްޑޫ ސިޓީގެ ކަރަންޓުގެ ހިދުމަތް އެންމެ އަސާސީ ފެންވަރަށް ފޯރުކޮށްދިނުމަށް ވެސް ސަރުކާރުން ނުކުޅެދިފައި ވާތީ، ތަކުރާރުކޮށް، ނިވިދިއްލޭ ބޮތްކެއް ހެން އެ ރަށްތަކުގެ ކަރަންޓު ކެނޑެމުންދާތީ ރައްޔިތުންނަށް އޭގެ ސަބަބުން ބޮޑެތި ދަތިތަކާ ކުރިމަތިލާން ޖެހި ރަށުގެ ސްކޫލްތަކުންނާއި އޮފީސްތަކުންނާއި ފިހާރަތަކުން ރައްޔިތުންނަށް ދޭން ޖެހޭ ހިދުމަތް ނުދެވޭ.
ކުއްލި މައްސަލާގައި ވިދާޅުވެފައިވެ އެވެ.
އެމްޑީޕީން ހުށަހެޅި ކުއްލި މައްސަލަ ވަނީ، އެކަމަށް ނެގި ވޯޓުގައި ބައިވެރިވެވަަޑައިގެންނެވި 57 މެންބަރުންގެ އިއްތިފާގުން މަޖިލީހުގެ މިއަދުގެ ޖަލްސާއަށް ބަލައިގެންފައެވެ.
މިމައްސަލާގައި ބަހުސް ކުރައްވަމުން ނާޒިލް ވިދާޅުވެފައިވަނީ، އައްޑޫގެ ކަރަންޓުގެ މައްސަލަ ހައްލު ނުވެގެން އުޅެނީ ފެނަކައިގެ އިސްވެރިންގެ އިހުމާލުން ކަމަށާއި، އެރަށަށް ބޭނުންވާ ސްޕެއަރޕާޓްސް ނުފޮނުވާތާވެސް މިހާރު 7 މަސް ވެފައިވާ ކަމުގައެވެ.
މި ވާހަކަ އައްޑޫ ސިޓީގައި ތިބި ފެނަކައިގެ އިސް ބޭފުޅުން މާލޭގައި ތިބި ވެރިންނާ މިވާހަކަ ދައްކައި ދައްކައި މީގެ ހައްލެއް ނުލިބި އޮވެ، މިވާހަކަ މިހިސާބަށް [މަޖިލީހަށް] އަންނަން މި ޖެހުނީ.
ނާޒިލު ވިދާޅުވި އެވެ.
ކޮމެންޓު ފޮނުވާ