އާމްދަނީގެ ގޮތުގައި ދައްކާ ޓެކްސްއިން، ޑޮނޭޝަންގެ ގޮތުގައި ދައްކާފައި ހުންނަ ފައިސާ އުނިކުރެވޭ ގޮތަށް މޯލްޑިވްސް އިންލެންޑް ރިވެނިއު (މީރާ)އިން ނިންމައިފިއެވެ.
މީރާއިން މިއަދު ޓެކްސް ދައްކާ ފަރާތްތަކަށް ފޮނުވި ޓެކްސް ރޫލިންގައި ވަނީ ޓެކްސް ނެގުމާބެހޭ އިދާރީ ގާނޫނުގެ 21 ވަނަ މައްދާ މާނަކުރާގޮތް ބަޔާން ކޮށްފައެވެ. އެގޮތުން އެގާނޫނުގެ 21 ވަނަ މާއްދާ މީރާއިން މާނަކޮށްފައިވަނީ ތިރީގައި މިވާ ގޮތަށެވެ.
2. ގާނޫނުގެ 21 ވަނަ މާއްދާގައި ވަނީ
ޑޮނޭޝަން:
(ހ) މި ޤާނޫނުގެ 17 ވަނަ މާއްދާއާއި 32 ވަނަ މާއްދާގައި އެހެން ބަޔާންކޮށްފައިވީ ނަމަވެސ،ް ދައުލަތުގެ އޮފީ ހަކަށް ނުވަތަ ކޮމިޝަނަރ ޖެނެރަލް ހުއްދަ ދީފައިވާ ހިލޭސާބަހަށް މަސައްކަތްކުރާ ޖަމްޢިއްޔާއަކަށް ޑޮނޭޝަންގެ ގޮތުގައި ޓެކްސް ދައްކާ ފަރާތުން ދޭ ފައިސާއަކީ އެ ފައިސާ ދިން ހިސާބުކުރާ މުއްދަތުގެ އެ ފަރާތެއްގެ ޓެކްސް ބިނާކުރެވޭ އާމްދަނީ ހިސާބުކުރުމުގައި އުނިކުރެވިދާނެ ޢަދަދެކެވެ.
3. އާމްދަނީން ޓެކްސް ނެގުމުގެ ގަވާއިދުގެ 50 ވަނަ މާއްދާގައި ވަނީ:
ޖަމިއްޔާއަކަށް ޑޮނޭޝަންގެ ގޮތުގައި ޓެކްސް ދައްކާ ފަރާތްތަކުން ދައްކާ ފައިސާ އުނިކުރުން
ކޮމިޝަނަރ ޖެނެރަލް ހުއްދަ ދީފައިވާ ހިލޭސާބަހަށް މަސައްކަތްކުރާ ޖަމްޢިއްޔާއަކަށް ޑޮނޭޝަންގެ ގޮތުގައި ޓެކްސް ދައްކާ ފަރާތުން ދޭ ފައިސާ، ޤާނޫނުގެ 21 ވަނަ މާއްދާގެ ދަށުން އުނިކުރެވޭނީ އެ ފައިސާ ދިން ތާރީޚުގައި އެ ޖަމްޢިއްޔާއެއް މި ގަވާއިދުގެ 47 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެމަތިން ޝާއިޢުކުރާ ލިސްޓުގައި ހިމެނޭ ކަމުގައިވާނަމައެވެ.
ރޫލިން
4. ޓެކްސް ބިނާކުރެވޭ އާމްދަނީ ހިސާ ކުކުރުމުގައި، ޤާނޫނުގެ 21 ވަނަ މާއްދާގެ ދަށުން ޑޮނޭޝަންގެ ގޮތުގައި އުނިކުރެވޭނީ، ފައިސާއިން ދޭ ޑޮނޭޝަން އެކަންޏެވެ.
މި ރޫލިންގއަށް ޢަމަލުކުރަން ފަށާގޮތަށް ހަމަޖައްސާފައިވަނީ، 1 މާރިޗު 2024 އިން ފެށިގެންނެވެ.
