ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ރައީސުލްޖުމްޙޫރިއްޔާކަމުގެ ހުވާ ކުރެއްވި ހިނދުން ފެށިގެން ދިވެހީންނަށް ހިތްހަމަޖެހުމުގެ އިހުސާސް ކުރެވެން ފަށައިފިކަމަށް މިސަރުކާރުގެ މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް އަޙްމަދު ޝިޔާމް ވިދާޅުވެއްޖެއެވެ. މިނިސްޓަރ މިހެން ވިދާޅުވީ އިއްޔެ މަޤާމުގެ ހުވާކުރެއްވުމަށްފަހު ރައީސް ޑރ. މުޙައްމަދު މުޢިއްޒު އިއްވެވި ތަގްރީރަށް ތަޢުރީފްކުރައްވާ ކުރެއްވި ޓްވީޓެއްގައެވެ.
މިނިސްޓަރ ޝިޔާމް ވިދާޅުވީ، ޖުމްހޫރީ މައިދާނުގެ މާހައުލުގައި ކުރިޔަށް ދިޔަ ރަސްމިއްޔާތުގައި ރައްޔިތުންނާ މުޚާތަބު ކުރައްވާ ދެއްކެވި ޖޯޝުންފުރިގެންވާ ވަތަނީ ވާހަކަފުޅުން ރައީސުލްޖުމްހޫރިއްޔާގެ ހިތްޕުޅުގައި ޤައުމާއި ރައްޔިތުންނަށް އޮތްލޯބި ހާމަކޮށްދޭކަމަށެވެ. ރައީސް ޑރ. މުޢިއްޒުގެ އާސަރުކާރުން ކުރަންހުރި ކަންކަން ލައްކަ ބައިވަރުކަމަށާއި، ރައީސްގެ ހުރިހާ ވަޢުދުފުޅުތަކެއް އެހުރީ ބަހުން ބަހަށް އަދި އަކުރުން އަކުރަށް ދެލިކުރެވި 953 ގަނޑުގެ ބޯފޮތެއްގައި ޝާއިއު ކުރެވިފައިކަމަށްވެސް މިނިސްޓަރ ޝިޔާމް ވިދާޅުވިއެވެ.
މިނިސްޓަރ މިހެން ވިދާޅުވެފައިވާއިރު، ރައީސް ޑރ. މުޙައްމަދު މުޢިއްޒު ކެމްޕެއިންގައި ދެއްކެވި ހުރިހާ ވާހަކަފުޅެއް މިހާރު ވަނީ ފޮތެއްގައި ޝާޢިއުކުރައްވާފައެވެ.
– މިނިސްޓަރ ޝިޔާމް ވިދާޅުވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވި އިފްތިތަހީ ތަގްރީރަށް އެތައް ބަޔަކު އަންނަނީ ތަޢުރީފްކުރަމުންނެވެ. އޭގެތޭރޭގައި ޢިލްމުވެރިންނާއި ބަހުގެ އުސްތާޒުންވެސް ހިމެނެއެވެ.
