ރިޔާސީ އިންތިޚާބުގެ ދެވަނަ ބުރުގައި ރައީސް ޞާލިހަށް ވޯޓެއް ނުދޭނެ ކަމަށާއި، އެމްޑީޕީގެ ކެމްޕޭނުގައި އޭނާގެ ނަން ބޭނުންކޮށްގެން ވާހަކަ ނުދެއްވެކުމަށ ރައީސް ނަޝީދުގެ ދަރިކަލުން މީރާ ލައިލާ ނަޝީދު ބުނެފިއެވެ.

އިންތިޚާބުގެ ފުރަތަމަ ބުރު ނިމުމުން މީރާ ވަނީ ޕީޕީއެމް/ޕީއެންސީގެ ކެންޑިޑޭޓް ޑރ. މުއިއްޒުއަށް ވޯޓު ނުދެއްވާނެ ކަމަށާއި، ވޯޓޫ ދޭނީ ހާލަތު އޮތް ގޮތުން ރައީސް ޞާލިހަށް ކަމަށް ބުނެފައެވެ. މީރާ މިހެން ބުނެފައިވަނީ ސިޔާސީ ގޮތުން ވަކި ކަމެއް ހާސިލް ކުރުމަށް ނުވަތަ ސިޔާސީ ވިސްނުމެއްގައި ނޫންކަން އޭނާ ވަނީ މިއަދު ކުރި ޓްވީޓު ތަކުގައި ބުނެފައެވެ. އޭނާ ބުނީ ރައީސް ސޯލިހް އަށް ވޯޓުދެއްވާނެ ކަމަށް ވިދާޅުވެވުނު ވާހަކަތައް "އަނބުރާ" ގެންދަވާ ކަމަށެވެ.

އަހަންނަށް ވިސްނާ ނުލާ އެ ޓްވީޓް ކުރެވުމަކީ މޮޔަކަމެއް. އޭގެ ކުރިން އެކަން ރަނގަޅަށް ދެނެގަންނަން ޖެހޭ. އާންމުކޮށް އަހަންނަކީ މީހުން ކުރާ ކޮމެންޓާ މެދު އަޅާލާ މީހެއްވެސް ނޫން.

– މީރާ ބުނެފައިވެއެވެ.

ރައީސް ނަޝީދަށް މިސަރުކާރުން ތަކުރާރުކޮށް ކުރިމަތި ކުރި ފިއްތުންތަކާއި، މާލޭގެ މަޖީދީ މަގުގައި ބޮމެއް ގޮއްވާލައިގެ މަރާލަން ދިން ހަމަލަގެ މައްސަލަ ނުބެލުމާއި، މަޖިލިސް ރައީސްކަމުގެ މަޤާމުން ވަކި ކުރަން ކުރި މަސައްކަތްތަކާއި، އެމްޑީޕީގެ ރައީސްކަމުގެ މަޤާމުން ރައީސް ނަޝީދު ދުރު ކުރުމަށް ކުރި މަސައްކަތްތަކަކީ މީރާ ވަރަށް ބޮޑަށް ދެކޮޅު ހައްދަވައި އެކަންކަމާއި ތަކުރާރުކޮށް ވަކާލާތު ކުރި ކަންކަމެވެ.

މީރާވަނީ މިކެމްޕޭންގައި އޭނާނެ ނަން ބޭނުންކޮށްގެން އެމްޑީޕީން ކެމްޕޭންގެ އެއްވެސް މަސައްކަތެއް ނުކުރުމަށް އަންގަވާފައެވެ. މީރާ ވަނީ އޭނާ އެމްޑީޕީއަށް ތާއިދު ނުކުރައްވާ ކަމަށް ވިދާޅުވެފައެވެ.